कालाे सिलाजित र कलेजी केशर सहित २ जना पक्राउ!

कालिकाेट ०७३

साढे तिन किलो कालो सिलाजित र कलेजी रंगको २ सय ५० ग्राम केशर सहित जुम्लाका २ जनालाई प्रहरीले पक्राउ गरेको छ । प्रहरी चौकी छोप्रे कालिकोटका इन्चार्ज प्रहरी सहायक निरिक्षेक राम बहादुर केसीको नेतृत्वमा खटिएको गस्ती टोलीले पाखा गाविस वडा नं. १ सेराबाडा स्थीत सडकमा हिडिरहेका जुम्लाका २ जनालाई संकास्पद ठानी खानतलासी गर्दा सिलाजित र केशर भेटिएकाले प्रकाउ गरिएको जिल्ला प्रहरी कार्यालय कालिकोटले जनाएको छ । पक्राउ पर्नेमा जुम्ला जिल्ला कनकासुन्दरी गाविस वडा नं. ७ सिजा बस्ने बर्ष २६ का बल बहादुर जिसी र २५ बर्षिया अनिल सुनार रहेको प्रहरीले जनाएको छ । यहि गएको फागुन २६ गते साझ ५ बजे तिर खटिएको गस्ती टोलीले निज २ जनालाई सोधपुछ गरी खानतलासी गर्दा सिलाजित र केशर फेला परेको र उक्त पदार्थ विक्रि वितरणका लागि जुम्लाबाट नेपालगंज तर्फ लिन लागेको प्रहरीले जनाएको छ । दुबै जना संग उक्त पदार्थ बिक्री बितरण तथा ओसार पसार, उत्पादन, सन्चय गर्ने कुनै ईजाजत नरहेको समेत प्रहरीले जनाएको छ । विक्रि वितरणका लागि कुनैपनि इजाजत पत्र नभएकाले तत्कालै निज दुवै जनालाई पक्राउ गरी बरामदी मुचुल्का सहित प्रहरी सहाय निरिक्षक राम बहादुर के.सीले प्रतिवेदन पारी कारबाहीका लागि बन ऐन अन्र्तगत जिल्ला बन कार्यालय कालिकोटमा बुझाईएको र जिल्ला बन कार्यालयले निजहरुबाट जनही रु १७५ रुपैया धरौटी लिई तारेखमा छाडेको समेत जिल्ला प्रहरी कार्यालय कालिकोटले जनाएको छ ।